.ပွဲရက်ကိုရွေ့ဆိုင်းထားခဲ့ရသော လူရွင်တော်ကိုမေတ္တာတို့အဖွဲ့ ယနေ့မနက်ပိုင်းတွင် တိုကျိုမြို့၊ နာရီတာလေဆိပ်မှတဆင့် ဂျပန်နိုင်ငံအတွင်းသို့ ၀င်ရောက်လာခဲ့ပြီဖြစ်ကြောင်းသိရသည်။ "ကျနော်လူရွှင်တော်ဖြစ်လာရတာက ပရိတ်သတ်ကမြှောက်စားလို့ ဆပ်ပြာ ကောင်းလို့ ခေါင်းပေါင်းဖြူ တာပါ၊ ဆပ်ပြာကောင်းလို့ ခေါင်းပေါင်ဖြူလာပြီး လူရွင် တော်ဖြစ်လာတဲ့ ကျနော်မေတ္တာဟာ ဂျပန်မှာရှိနေတဲ့ မြန်မာပရိတ်သတ်တွေကို အားပါးတရဖျော်ဖြေချင်ပါတယ်၊ ပရိတ်သတ်ဆိုတာ အဖြူမပါ၊ အမဲမပါ၊ အရောင်မပါပါ၊ မြန်မာလူမျိုးတွေကို အမြဲချစ်ချစ်ခင်ခင်ပျော်ပျော်ရွင်ရွင်နဲ့ဖျော်ဖြေချင်ပါတယ်…"ဟု ဂျပန်ရောက်စကားဦးအဖြစ် ကိုမေတ္တာ မိုးသောက်ကြယ်သို့ ယခုလိုရှင်းပြပြောဆိုသည်။
အငြိမ့်ပွဲတွင် တင်ဆက်မည့်ပျက်လုံးများနှင့်ပတ်သက်၍ “ကျနော့်တို့်အနေနဲ့ ခေတ်နဲ့အညီ ပျက်လုံးတွေ၊ ပရိတ်သတ်နှစ်သက်မယ့်စကားလုံးတွေကို အပေးအယူမျှမျှနဲ့ တင်ဆက်ဖို့ ပြင်ဆင်ထားပါတယ်။ အထူးသဖြင့် ဂျပန်မှာရှိတဲ့ ပရိတ်သတ်တွေ သဘောကျမယ့် ချိတ်လုံး တွဲလုံးလေးတွေနဲ့ အားပါးတရဖျော်ဖြေမှာပါ။ ဖြစ်နိုင်မယ်ဆိုရင်တော့ ဂျပန်လူမျိုးတွေကိုပါ နားလည်လာအောင် စကားပြန်နဲ့စီစဉ်ပေးနိုင်မယ်ဆိုရင်တော့ အကောင်းဆုံးပေါ့ဗျာ…”ဟုလည်း ဆက်လက်ပြောဆိုသည်။
ကိုမေတ္တာနှင့်အတူ မော့စ်နှင့် ခေါင်းဆောင်မင်းသမီး လင်းဇာနည်ဇော်တို့က ဦးစွာပထမရောက်ရှိလာခြင်းဖြစ်ပြီး မိုးဒီ၊ ခင်လှိုင်နှင့် မိုးပြည့်ပြည့်မောင်တို့ကတော့ မနက်ဖြန်မှရောက်မည်ဟုလည်း သိရသည်။
TOKYO SAKURA ပျော်စရာအငြိမ့်ဖျော်ဖြေပွကို နှစ်ပိုင်းခွဲ၍ ကျင်းပမည်ဟုသိရှိရပြီး ပထမပိုင်းကို မြန်မာပြည်အလွမ်းပြေညပွဲသဘောမျိုး ကပြအသုံးတော်ခံမည်ဟုသိရသည်။ပထမပွဲကို တိုကျိုမြို့လယ်ခေါင်ရှိ ရှင်ဂျူးကုရပ်ကွက်၊ ကာဘုကိချောရှိ Pink Big Pig ဇတ်ရုံတွင် လာမည့်စနေနေ့၊ ဖေဖေါ်ဝါရီလ(၆)ရက်ညမှ ၁၂ နာရီမှ စတင်၍ ဖေဖေါ်ဝါရီလ (၇)ရက်နေ့ မနက် (၄)နာရီအထိ အားပါးတရမိုးလင်းပေါက်ဖျော်ဖြေတင်ဆက်မည်ဖြစ်သည်။
အခက်အခဲအမျိုးမျိုးကြားမှ ဂျပန်သို့ရောက်ရှိလာခဲ့ပြီးသည့်နောက် အနုပညာရှင်ကောင်းပီသစွာနှင့် မည်သို့ပင်ဖြစ်ခဲ့ပါစေ ကောင်းမွန်သောစေတနာဖြင့် အားလုံးကိုပျော်ပျော်ရွင်ရွင်ဖြစ်စေလိုပါကြောင်းနှင့် ပွဲကြည့်သူများကိုလည်း တိုက်တန်စွာဖြင့် တင်ဆက်အသုံးတော်ခံသွားမည်ဖြစ်ကြောင်း တိုကျိုဆာကူရာအငြိမ့်အဖွဲ့ခေါင်းဆောင်လည်းဖြစ်သော လူရွင်တော်ကိုမေတ္တာမှပြောပြသည်။
"အားလုံးကိုပျော်ပျော်ရွင်ရွင်ဖြစ်စေချင်တဲ့ဆန္ဒဘဲရှိပါတယ်ခင်ဗျာ"ဟု ပွဲအကြိုအဖြစ် ပရိတ်သိတ်အပေါ်ထားရှိသောရင်ခုန်သံစကားကို ဆက်လက်ပြောပြသည်။
ပထမပိုင်းအစီအစဉ်ကို မမှီလိုက်၍သော်လည်းကောင်း၊ အငြိမ့်အဖွဲ့ဂျပန်သို့ ရောက်ရှိလာပြီဆိုသောသတင်းကို မသိရှိလိုက်သူများအတွက် ဒုတိယပိုင်းအစီအစဉ်ဖြင့် နောက်ထပ်တပွဲကိုထပ်မံကျင်းပမည်ဟုသိရမည်။
ဒုတိယပွဲမှာ ဂျပန်နိုင်ငံ၏ရုံးပိတ်ရက်ဖြစ်သော ဖေဖေါ်ဝါရီလ(၁၁)ရက်နေ့တွင် နာဂါနိုမြို့နယ်၊ နာဂါနိုဘူတာအနီးရှိ Zero Hall တွင် ညနေ ၇ နာရီမှစတင်၍ည ၁၀ နာရီအထိ ဂျပန်ပရိတ်သတ်ကို အပိတ်နှုတ်ဆက်ဖျော်ဖြေ တင်ဆက်မည်ဖြစ်ကြောင်းသိရပြီး ယခုပွဲတွင် မြန်မာအနုပညာအငြိမ့်ဖျော်ဖြေမှုနှင့် ယဉ်ကျေးမှုပိုင်းကို လေ့လာလိုသော ဂျပန်လူမျိုးများအတွက် ဂျပန်မြန်မာစကားပြန်များကိုထားရှိမည်ဖြစ်ကြောင်းသိရသည်။မိုးသောက်ကြယ်မှ...