Sunday, May 30, 2010

ခံစားမိတဲ့ .. လွမ်းနေတုန်းအိပ်မက် ..



( တယောက်ထဲသော သူ အတွက် ပါ )

ဟောင်းလောင်း သရဲ ...


ပေါက်ကျိုင်း တလောက နယ်စပ်မြို့လေး ကော့သောင်းကို အကြောင်းကိစ္စ တစ်ခုနဲ့ ရောက်ခဲ့ သဗျ .. တလောက ဆိုပေမဲ့ သုံးနှစ် ပျော့ပျော့ လောက်တော့ ရှိပြီထင်ပါရဲ့ .. ထီးထမ်းလမ်းလျှောက်ပေါက်ကျိုင်း ကျမ်းမာရေး က လက်နဲ့တောက်လိုက်ရင် တထင်ထင် နဲ့ မြည် နေတော့ကာ.. ဟိုနေရာ ဒီနေရာ စပ်စပ် စပ်စပ် နဲ့ ခရီး တဒီးဒီး သွားရ သဗျ.. ခြေထောက်မှဲာ ဗွေ ကလဲ ရှိသကိုး..ပြောရမယ်ဆိုရင် ပေါက်ကျိုင်းခမျှာ အသက်က သင်းချိုင်းကုန်း ကို ခြေတစ်ဖက်လှမ်းနေပေမဲ့ စိတ်လေးကတော့ ဆယ်ခြောက်နှစ်သာသာမို့ ဆုရတီ လေး ဆိုရင် ဘယ်လို မယ်လိုဒီလေး က ဆိုရင် ဘယ့်နှာ ဝိုင်းစု လေးဆိုရင် လာထား ဆိုပြီး ချိုတစ်သွေးသွေး နဲ့ ခင်ဗျ..( အဲ .. စကားတောင် ဘယ်ရောက်သွားပြီလဲ မသိဘူး .. ပေါက်ကျိုင်းများ ဒါမျိုးဆိုရင် သိပ်တတ် ) ဒီမြို့ နဲ့ ဒီနယ် တစ်ကြောမှာ ဝေလေလေ ပေါက်ကျိုင်း ရဲ့ အသက်သုံးပုံ ပုံတစ်ပုံဟာ မြုတ်နှံထားခဲ့မိလေတော့ .. ဒီတောဒီတောင် ဒီမြို့လေး ဟာ ပေါက်ကျိုင်း ရဲ့ ဘဝသက္ကသိုလ်ကြီး ဆိုတာ မမှားပေဘူးပေါ့ဗျာ.. ။

အဲဒီမှာ ပေါက်ကျိုင်းတစ်ကောင် ထိုင်းနိုင်ငံထဲက ရနောင်း အလွန်.. ခြုံဖေါ် ဆိုတဲ့ မြို့လေးကို ကိစ္စ တစ်ခုနဲ့ သွားစရာ ရှိလို့ ဘာညာသာရကာ ဖြတ်သန်းရေးကိစ္စတွေ လုပ်ရင်း ဟိုးတစ်ခါတုန်းက တေဖေါ်တေဖက် သောက်ဖေါ်သောက်ဖက် ရခိုင်သား ကိုထွန်းဇံ တစ်ယောက် ကို အဌားတက္ကစီဆိုင်ကယ်ကြီး ပေါ်မှာ ဟောလီးဝုဒ်မင်းသား ဂျွန်ဝိန်း စတိုင် နဲ့ ကားယားကြီး တွေ့ရ သဗျ .. ဒီကောင် ထွန်းဇံ ..အားရဝမ်းသာ နားရင်းတွေရိုက်ပြီး ဖက်ထားလိုက်တာ ရင်ခြင်းဆက်အမွှာ ခွဲစိတ်ခန်း ထဲ ဝင်တော့မယ့် အတိုင်းဗျာ.. လူတွေရှေ့မှာ ပေါက်ကျိုင်းခမျှာ ရှက်ကိုးရှက်ကန်းကြီးဖြစ်လို့ ..ပြီးမှ ကော့သောင်းမှာ အမြည်းအကောင်းဆုံး ထွန်းလှ ဆိုင် မှာ အေးအေးဆေးဆေး ဝင်ထိုင်ရင်း.. တစ်ခါတုန်းက တောထဲတောင်ထဲမှာ သေဖေါ်သေဖက် အကောင်းအဆိုးတွေကို မျှဝေခံစားကြတဲ့ လက်တွဲဖေါ် သူငယ်ချင်းတွေ ကို မေးကြည့်မိပါ သဗျာ ..

သူငယ်ချင်းအများစု က ရောင်းကောင်းရောင်းဝယ်လုပ်စားသူက လုပ်စား သေတဲ့သူက သေ .. နယ်ကျော်ပြီး စုတ်စမြုပ်စ ပျောက်သွား တဲ့သူကပျောက် နဲ့ ပြောရင်း ဖြတ်ကနဲ သတိရလာဟန်တူပါရဲ့ အဝင်း နဲ့ သီသီစိုး ကတော့ ဒီကော့သောင်း တစ်မိုင်တောင်ကုန်းအောက်မှာ တိုက်ပုလေး တစ်လုံးဝယ်ပြီး အခြေချ နေလေရဲ့ ဆိုတော့ကာ သူ့ဆိုင်ကယ်နဲ့ဘဲ နှစ်ကောင်သား အားရဝမ်းသာ ဒီလင်မယား အိမ်ကို သုတ်ခြေတင် လာပါရော ဗျား.... ။

အိမ်ရောက်တော့ အသက်ငယ်ငယ်ရွယ်ရွယ်နဲ့ တစ်ခေါင်းလုံးဖွေးဖွေးဖြူနေတဲ့ မွန်ကြီး အဝင်း နဲ့ အရင်ကလိုဘဲ သေးသေးသွယ်သွယ် ချောလှ အရွယ်တင်နေသေးတဲ့ ထားဝယ်သူ သီသီစိုး တို့ ကျောပိုးအိပ်ကြီး ကိုးယို့ကားယားနဲ့ ပေါက်ကျိုင်း ကို ကြည့်ရင်း မမှတ်မိဘူးထင်ပါရဲ့ ရခိုင်ထွန်းဇံ ကို မျက်စတပြစ်ပြစ်နဲ့ ဘယ်သူလဲ ဆိုတဲ့သဘောပေါ့ ….၊ ဒီတော့မှ ရခိုင်ထွန်းဇံ လဲ ငယ်ဝသီအတိုင်း အဆဲလေးနဲ့ ..

“ ငါ့လရှီးမှဘဲ မင်းတို့ မမှတ်မိကြတော့ ဘူးလား ဒါ ချီးထုတ် မောင်မောင်လေ ( အဲဒီတုန်းက ပေါက်ကျိုင်း နာမည်က မောင်မောင်ပါ ) နင့်မိငါရိုး ဒါ ဟောင်းလောင်းသရဲကြီး လေကွ ..”

ဆိုမှ ကျွဲနွားများ အဝယ်မမှားရအောင် တစ်စိမ့်စိမ့်ကြည့် တဲ့ အကြည့်နဲ့ ကြည့်ရင်း မှတ်မိလာဟန်တူပါရဲ့ မျက်ရည်တွေ ဝိုင်းလာပြီး

“ ဟာကွာ ဟာကွာ .. ချီးထုတ်မောင်မောင်ကြီး ..”

ဆိုပြီး ပေါက်ကျိုင်းရဲ့ ထွားကျိုင်းကြူံလှီလှတဲ့ ရင်ဘတ်ကြီးကို တအုန်းအုန်း သူ့လက်သီးကြီးနဲ့ စွတ်စွတ်ထိုးနေလို့ ပေါက်ကျိုင်း ရင်ဘတ်ကိုအောင့်လို့..။

ပြီးမှ စပ်မိစပ်ရာ ဘာညာသာရကာ.. ပြောရင်းဗျာ .. နယ်မြေလို့ သတ်မှတ်ခံရတဲ့ စူငယ်ဘာလိုင်းချောင်းဖျားကြီး ကျေးရွာအိမ်စုလေးမှာ တနှစ်ပျော့ပျော့ ဝေလေလေ လုပ်ခဲ့တုန်းက တေဖေါ်တေဖက် သူငယ်ချင်း တွေဖြစ်တဲ့ အညာသား ကြွက်တွင်း ဖာထမ်းမိုးသော်..၊ အဲဒီတုန်းက ရာဇာနေဝင်း မပေါ်သေးဘဲ သူ့စတိုင်အပြည့်နဲ့ ဘုတ်ပြင်းသား ချီးထုတ်ဝင်းအောင် …၊ အရက်များမူးလာရင် သူတို့ရိုးရာ ကျင်ခတ် တယ်ဆိုပြီး သူတကာကို အပျော်သဘော စစ ပြီး နပန်းလုံးတတ်တဲ့ ရခိုင်ကြီး စံလှဘော်..၊ စတဲ့ ချီးထုတ်ဘော်ဒါတွေကို မေးစမ်းရင်း အဲဒီ အိမ်ခြေစုလေးမှာ ပေါက်ကျိုင်းရှေ့က အဝင်း နဲ့ သီသီစိုး တို့ လူတကာပါးစပ်ဖျားမှာ တဟီးဟီးနဲ့ ပြောမှတ်စရာ ပုဆိုးတန်းတင် အကြင်လင်မယား ဖြစ်သွားတာ ကို တွေးမိရင်း ...  ဒီလင်မယားကို ပေါက်ကျိုင်း မျက်လုံးစွေပြီး ကြည့်လိုက်တော့ ခုနက ရခိုင်ထွန်းဇံ ပြောလိုက်လိုက်တဲ့ .. ဟောင်းလောင်းသရဲ ဆိုတာ ကြားမိပြီး အမယ် .. သူတို့ ခမျှာ မျက်နှာက ရှက်ကိုးရှက်ကန်း စပ်ဖြီးဖြီး .. ဟီဟိ ...။

တစ်ခါတုန်းက ကော့သောင်း နဲ့ မြိတ် ကို ဒီနယ်က တစ်ခုတည်းသော (၂၆၂ )တပ်ရင်း ၊ ဘီအီး ၊ ဂျီအီး တပ်ဆွယ်လေးတွေ နဲ့ အကြံအဖန် သစ်ခိုးထုတ်နေတဲ့ ထိုင်းက ကုမ္မဏီ တွေ… မဟာဗျူဟာ လမ်းမကြီး ဆိုပြီး အစိုးရက မြေသားလမ်း စဖေါက် နေတဲ့ အချိန်ပေါ့ ခင်ဗျာ ..၊ အဲဒီမြေသားလမ်း ဘေး တောထဲ တစ်မိုင် လောက်မှာ ပေါက်ကျိုင်း ဝေလေလေလုပ်တဲ့ စူငယ်ဘာလိုင်း ချောင်းဖျားကြီး ကျေးရွာဆိုတဲ့ အိမ်ခြေ ၂၀ သာသာ အိမ်စုလေးမှာ လူတွေက လွှတိုက် ကြိမ်ခုတ် မုဆိုး အမဲလိုက် နဲ့ ကြုံရာကျပန်း အလုပ် လုပ်ကြသဗျ.. လူတွေက ရခိုင် ၊ မွန် ၊ ထားဝယ် ၊ မြန်မာ ၊ ကုလား ၊ ယိုးဒယားရှမ်းအနွယ် ၊ စသဖြင့် တစ်အိမ်ထောင်စုစီရှိကြပေမဲ့ လူဦးရေအလွန်နဲတော့ကာ တစ်ဦးကိုတစ်ဦး ညီအကိုမောင်နှမ သားချင်းတွေ တစ်ဖွယ် အလွန်ချစ်ခင်ကြသဗျို့..။

ဒီရွာလေးမှာ ဇတ်လိုက်ကြီး အဝင်း က တဲလေးတစ်လုံးထိုး ပြီး တကိုယ်ထဲ တောချက်အရက် ဆိုင်လေး ဖွင့်ရောင်း နေသဗျ.. မုဒုံသား အဝင်း ဟာ ရုပ်ရည်လေးကလဲ သန့်ပြန် အသောက်အစားကလဲ ကင်း.. စုစုဆောင်းဆောင်း သမားဆိုတော့ ဒီအိမ်ခြေစုလေးထဲက မရှိတဲ့ အပျို နှစ်ယောက်တစ်ပိုင်း ကလေးများက မျက်စောင်းလေး တစ်ချိတ်ချိတ်နဲ့ … ၊ အဲဒီ ထဲမှာ ထားဝယ်ကနေ ရေကြည်ရာမြက်နုရာ ရှာရင်း ရောက်လာတဲ့ မိသားစုထဲက သီသီစိုး လဲ ပါသပေါ့ဗျာ.. ဒီ ထားဝယ်သူ သီသီစိုး ကလဲ တောထဲတောင်ထဲမှာဆိုတော့ကာ အနူတောထဲက လူချော ပမာ .. ။

ပေါက်ကျိုင်းတို့ မျက်စိကလဲ ရွာဘေး ချောင်းကလေးမှာ အဝတ်ထိုင်ထိုင်လျှော် တတ်တဲ့ ကုလားမကြီး ဇန်နဘီ ကို မြင်.. မြင်ပါများ လှလှ လာလို့ အကြည့် ဘရိတ်အုပ် ရတာလဲ အကြိမ်ကြိမ် မို့ … သီသီစိုး တို့ မိသားစု ဒီရွာလေးကို ရောက်လာလို့ ကာလသား ပေါက်ကျိုင်းတို့ တတွေ သူ့ရဲ့ တဲအိမ်လေး နဘေးမှာ ညည အရက်လေးတထွေထွေနဲ့ လျှောက်ပြန်သံပေး ခြေအေးဝမ်းရောင် လုပ်နေတတ်ပေမဲ့ အမယ် သူက ပေါက်ကျိုင်းတို့ ငမူးငရူပ် ကာလသားတွေကို ဖုတ်လေတဲ့ ငပိ ရှိတယ် လို့တောင် မထင်ဘဲ တဲမျက်စောင်းထိုးက မဟာချက်အရက်ဆိုင် ပိုင်ရှင်ကြီး အဝင်း နဲ့ မျက်စပြစ်၍ တဖုံ ခြေဆောင့်၍ တစ်နည်းနဲ့ ပဲများနေတော့ ကာ ပေါက်ကျိုင်းရဲ့ ခြေအေးဝမ်းရောင်ကြီး ကို စိတ်နာနာနဲ့ ရပ်လိုက်တော့ သဗျား ...။

တစ်နေ့သားမှာ ပေါက်ကျိုင်း နဲ့ ဖာထမ်းမိုးသော် ( အညာကနေ ဖာတောင်းကြီး နှစ်လုံးထဲမှာ ခြုံစောင် ၊ ဖိနပ်က နေ အပေါစား မိတ်ကပ် နုတ်ခန်းနီ ဆံညှပ် …စတဲ့ တိုလီမုတ်စ ထဲ့ပြီး ထမ်းပိုး နဲ့ ထမ်းကာ ထမ်းကာ ရွာစဉ်လှည့် ဈေးရောင်းသူ ) တို့ အဝင်းဆိုင်မှာ ချက်အရက်လေး တလုံး အကြွေးယူပြီး ဒီဆိုင်ကဘဲ အလကားရတဲ့ မျောက်ညိုချီးခါးဟင်း ကောင်းကောင်းနဲ့ ဆွဲလိုက်တာ ပုလင်းတစ်လုံး လဲပြောင်တော့ ဒီ ဖာထမ်းကောင်က သူ့တစ်နေ့တာ လျှာထားချက် မပြည့်မှီသေး ဘူး ဆိုပြီး ဆိုင်ရှင် အဝင်း ကို မျက်နှာချိုသွေးပြီး သကာလ နောက် တစ်လုံး ယူ မျောက်ချီးခါးဟင်းရည်လေးပါ မရမက အပါဆွဲလာပြီး ဒီရွာစုလေး နဲ့ ၄ ဖာလုံ လောက်ဝေး တဲ့ ပေါက်ကျိုင်းတို့နေတဲ့ တဲဘုံနန်းလေး ဆီကို သက်ကယ်တောကြီး ဖြတ်ပြီး ပေါက်ကရသီချင်းတွေ ဆိုပြီး တထွေထွေ နဲ့ ပြန်လာပါလေရောဗျ..

“ ဟဲ့ကောင် မောင်မောင် သီချင်းဆိုကွာ.. ဒါမှ မင့်ရဲ့ အမင်္ဂလာ အောင်မောင်း အသံကြီးကြားမှ တောဝက်တွေ မလာရဲမှာ …. ”

“ အားပေး တယ် လာ့.. ”

“ ခရီးလမ်းမ တွင် အလယ် …. ခလုတ်ကန်သင်း တိုက်ကာလဲ ဟယ် … ပုလင်းလေး ကျကာ ကွဲတယ် … ပုလင်း လေးက စကားပြောလာ ပြီကွယ် ..သား လူလေး ရေများများ ရောပါ သားရယ်.. သား မှား ..မှား....  ”

“ ဟဲ့ကောင် ..တွံတေးသိန်းတန် ကြားရင် သူ့သီချင်းဖျက်ရကောင်းလား ဆိုပြီး ဖနောက်နဲ့ လာပေါက် နေဦးမယ်… ဒါကြီးဘဲ ထပ်နေတယ် .. ဒီ့ပြင် ဟာဆို.. ”

“ ဒါဘဲ ရတယ်ဟ.. ဖာထမ်းကောင်ရဲ့ ဒါဆို မင်း ကဗျာ ရွတ်ကွာ.. ”

“ အိမ်း.. မင်းက ငါ့ရဲ့ မော်ဒန်ကဗျာ ကို အလွန်နှစ်သက် မြတ်နိုးစွာ နားဆင်ချင် သပေါ့ လေ ငြီမ်ငြီမ်ပိပိ နားထောင် .. အဟမ်း .. အဟမ်း ”

အဲဒီတုန်းက ခေတ်စားစပြုနေတဲ့ မော်ဒယ် လား မော်ဒန် လား မော်ဒက် ဆိုလား တောသား ပေါက်ကျိုင်း ဘယ်လိုမှ နားဝင်မချိုတဲ့ စာလိုလို ကဗျာလိုလို ဟာကြီးကို မိုးပေါ် လက်နှစ်ဖက် ဆန့်တန်းပြီး သွတ်ပြားပေါ် ကြောင်ခြစ်တဲ့ အသံနဲ့ …

  “ မိုးပေါ်ကလမင်း .. နဲ့ စစ်ခင်းမိတဲ့ ကျုပ်

      တိုက်ပွဲကို ပုလင်းတစ်လုံးခြား..

       ပွတ်ကာသီကာ ရှံးနိမ့်ခဲ့ရင်း
  
       ဒီ သက်ကယ်တောကြီးပေါ် ပြုတ်ကျ ..

       ကျုပ် .. ဖာထမ်း ထမ်းပိုးကြီး ကျိုးဘူးတယ်..”

ဘယ်လို ဘယ့်နှာ မှန်း မသိ ကဗျာကြီးက ပေါက်ကျိုင်း မျိုထားဆို့ထားတဲ့ အရည်လေးတွေ ပြန်ထွက်ချင်လာအောင် အီလယ်လယ်ကြီး ဖြစ်လို့ .... ။

စတာက ပေါက်ကျိုင်း ....
ရွာက အထွက် လေး ကတည်းက မျောက်ချီးခါး တန်ခိုး နဲ့ ဗိုက်က တရစ်ရစ် နာလာလို့ ရွာအထွက် တစ်ခေါ်လောက်က ပေါက်ကျိုင်းတို့တတွေ မူးလာရင် ပေါက်ကရလေးဆယ်သီချင်း ပေါက်ကရ ကဗျာ တွေကို တက်တက်ဆိုရွတ်နေကြ စတိတ်စင်ကြီး လဲဖြစ် .. ဘယ်အချိန်ကတည်းက လဲကျခြောက်သွေ့ သေဆုံးနေမှန်းမသိတဲ့ ရင်စို့လောက်ရှိတဲ့ ကညင်ပင် ခြောက်ကြီး ပေါ် နှစ်ကောင်သား ကုတ်ဖဲ့တွယ်တက်ပြီး အပေါ်မှာဘဲ ဗိုက်ထဲက ချက်အရက်နဲ့ မျောက်ချီးခါး ရောသမမွှေပြီး ထွက်ပေါက်တွေ ပိတ်မထား ပါနဲ့ ဆိုတော့ကာ တဘွတ်ဘွတ် … တဗြစ်ဗြစ် နဲ့ တူးမန်းရှိုး ပွဲကြီးကို ခြိမ့်ခြိမ့်သည်း ကျင်းပနေရ သဗျ ..( အောက်မှာဆို ခြင်၊ ဖြုပ် နဲ့ ပေါ လိုက်တဲ့ တောဝက်ရန်ကလဲ ကြောက်ရသေး သကိုး ) ဖာထမ်း ကောင် ကို စောင်းဌဲ့ ကြည့်လိုက်တော့ မသေခင်ထဲက ပုတ်ဆော်နံနေတဲ့ ကောင်ကြီး ဆိုပြီး နံလှသည်ထင့် ဟိုး ပင်ခြေရင်း သစ်မြှစ်ဆုံကြီး ပေါ်မှာ အရက်ကလေး တစ်ငုံစွတ်လိုက် မျောက်ချေးခါးလေးကိုမြည်းလိုက်နဲ့ ခုနက အဆက် မော်ဒန်ကြီးကို ဆက်ဟဲ နေသဗျာ ..။

ဒီလိုနဲ့ ဗိုက်ထဲစစ်တိုက်နေတာကို ဆောင်ကြောင့်ထိုင် ရှင်းလင်းနေတုန်း ပေါက်ကျိုင်း အောက်က ခါးလည်လောက် ရှိတဲ့ သက်ကယ်တောကြီးကို တရှဲရှဲ တိုးပြီး ကုန်းကုန်း ကုန်းကုန်း နဲ့ မဲမဲကြီးနှစ်ခု မြင်ရသဗျ ..
ဘုရား ဘုရား ..ကံသီပေလို့ တောဝက်တွေ ထင်ပါ့ .. အောက်မှာဆိုရင် ဖင်စအိုပွင့်ပြီ ဆိုပြီး ကြက်သီးတဖြန်းဖြန်းထနေတုန်း.. ဖြတ်ကနဲ အောက်စိုက်ထိုးထားတဲ့ ဓါတ်မီး အလင်း .. လူ … လူ..ဟ.. အချိန်မတော်ကြီး ဒီနေရာကို အန္တရယ်မကြောက် ဝက်မကြောက် နဲ့ ဘာလာလုပ်ပါလိမ့် .. မုဆိုးတောလည်ရအောင်လဲ လာကတည်းက မီးကို တောက်လျှောက် မကစားထား .. ဒီနေရာရောက်မှ ခပ်အုပ်အုပ်အောက်စိုက်ပြီး မီးကို ထိုးတယ်ဆိုတော့ကာ .. ဘယ်သူလဲ လို့ ပေါက်ကျိုင်း အတွေး ..

“ ဘာလို့ ဒီကိုခေါ်လာရတာလဲ .. ရွာနဲ့ နဲနဲလှမ်းတယ် .. သီ ကြောက်တယ်နော် ”

   ဟမ်… ရွာထဲက ပေါက်ကျိုင်းတို့ အသဲကုန်အူတုန် သီသီစိုး ရဲ့ ခပ်အုပ်အုပ် အသံ..

“ အဟီး .. သီလေးကလဲ ကိုဝင်းတို့ လွတ်လွတ်လပ်လပ် တွေ့ ရအောင် ဒီကို ခေါ်လာတာ အဟိ..ရွာနားမှာဆို ခွေးတစီစီနဲ့ .. ဒီမှာ ဆို အေးဆေး အေးဆေး..”

အမယ်.. ပေါက်ကျိုင်းတို့ ကျေးဇူးရှင် အဝင်း အသံကြီး ဟ..

“ ဝက်တွေကလဲ ပေါတယ်နော်.. ကြောက်ပါတယ်ဆိုမှ သူ့ကိုလဲ ကြောက်တယ်..အဟင့် ”

“ ကြောက်နဲ့နော်..ဒီမှာ ကိုဝင်း တယောက်လုံးရှိပါတယ် အားကိုးလိုက်စမ်းဘာ..ဘုန်း ဘုန်း ( နံရိုးကျဲကျဲ ရင်ဘတ်ပြဲ ကြီးကို ထုသံ ) ”

“ ဟင့်အင်း.. ဟင့်အင်း ..သီကြောက်တယ် .. သူ့ကို ချစ်လို့သာ ချိန်းလိုက်ရတာ မကဲ ရဘူးနော် ဒါဘဲ …”

ဘာညာသာရကာ တွေနဲ့ သူတို့ကိစ္စ သူတို့ အလုပ်ရှပ်နေကြပြီး သင်းတို့ မွှန်နေ လိုက်ကြတာ ..ငုတ်တုတ်ထိုင်ယိုနေတဲ့ အပေါ်က ပေါက်ကျိုင်းခမျှာ ယိုသူမရှက် မြင်သူရှက် ဆိုတဲ့ စကားဟာ တယ်ပြီးမှန်ပါလား လို့တောင်တွေးမိ လိုက်သေး သဗျာ…။
သင်းတို့ က ငုတ်တုတ်ပေါက်ကျိုင်းကို မမြင်လို့ မရှက်ပေမဲ့ ဒီက ရှက်တာက တမျိုး ကိစ္စကလဲ ..အင်ဂျူရီတိုင်း ရောက်နေပြီ ဆိုတော့ကာ သူတို့နဲ့ ဝေးရာကို  ကဏန်း သွားလေး ဘေးတိုက် သွားရင်း ရှင်းမဟဲ့ လို့လုပ်နေတုန်း အောက်က သင်းနှစ်ကောင် ချစ်နလန်ထ တာ ပြီးသွားပြီထင့် ….

“ ကိုဝင်း က သိပ်ဆိုးတာဘဲ သွား.. မကောင်း ဘူး ..ဟွန့် ”

“ အော်..ဟောဟဲ.. ကိုဝင်းက ချစ်လို့ ပါ ..ဟောဟဲ ..စိတ်မဆိုးလိုက်ပါနဲ့နော်..မျက်နှာ..ဟောဟဲ ..ကြီးကလဲ ဟောဟဲ..”

အဝင်း အမောဖေါက် သံကြီးနဲ့ ညူ့နေတာ.. ညူ့နေတာ ... ။

“ ကိုဝင်း ပုပ်ဆော်ကြီး ကလဲ နံလိုက်တာ ဘယ်နားကလဲ မသိဘူး ”

“ ဟောဟဲ .. ရှူးရှဲ… ရှူးရှဲ.. ဟုတ်တယ်.. သီ မကြောက်နဲ့နော် ”

အမယ်..ခုန တုန်းကတော့ မွှန်ထူနေပြီး.. အခုမှ သတိကပ်လာလိုက်တာ..

“ ဒီနားမှာ အရက်သမား အေးသောင်ကြီး ဝက်ပက် လို့ သေဘူးတယ်မလား.. အဲမိဝေး.. သီ…သီ ကြောက်တယ် ကြောက်တယ်…ပြန်စို့..ပြန်စို့..”

“ မ…မ ..ကြောက်နဲ့ သီလေး.. ကိုဝင်း တစ်ယောက်လုံးရှိသေးတယ်လေ.. အားကိုးလိုက်စမ်းဘာ..”

အရေးထဲ.. အဝင်း က အသံတုန်ခတ်ခတ်နဲ့ သီသီစိုး ကို မဟားဒယား ဖက်ထားပြီး လွှတ် အသားယူနေသေးတယ် ....။

ဒီတော့ ပေါက်ကျိုင်းမလဲ သူတို့မြင်သွားမှာစိုးလို့ ချွေးတဒီးဒီး နဲ့ သစ်ပင်ခြောက်ကြီးပေါ်မှာ ကဏန်းသွား လေးနဲ့ ငုတ်တုတ် တရွှေ့ရွှေ့သွားနေ… ဗြုန်းဆို ဓါတ်မီးရောင်က ငုတ်တုတ်ပေါက်ကျိုင်း ကို ပင့်အထိုး.. ဒီကလဲ မီးရောင်ကြောင့် တလှုပ်လှုပ်နဲ့ ကဏန်းသွားလေး ဘေးတိုက်သွားနေတာ ရပ်ပြီး ကြောင်ကြည့်နေတုန်း..

“ အောင်မယ်လေး.. ငုတ်တုတ် သရဲကြီးဗျ.. ငါရိုးမသား..သရဲ ..အီးဟီးဟီး ”

“ ဒေါင် ”

“ ဝါး…အား.. အား..ဘုန်း.. ”

ဒီကောင် အဝင်း.. သရဲထင်ပြီး သူ့ဓါတ်မီးနဲ့ ကောက်တွယ် … ပေါက်ကျိုင်း နဖူးကို ဒါရိုက်ဟစ် ဖူးစာစုံပြီး အောက်ကို ခွေးကျ ကျ သွားလိုက်တာ… အရက်ပက်ချင်ချိန်တဲ့ လက်က တည့်လိုက်တာလဲ အလွန်..
အောက်လဲ ရောက်ရော လူးလဲထပြီး ဒီ ချစ်ပလူးသွားတဲ့ နှစ်ကောင် ကို ကဗျာကယာ ဖုတ်ဖက်ခါထ ပြူးတူးပြဲတဲ လှမ်းကြည့်လိုက်တော့ … အဝင်းတစ်ကောင် သူ့အချစ်တုံးကြီး သီသီစိုး ကိုချန်ထားပြီး သက်ကယ်တောကြီးကို ပုဆိုးကွင်းသိုင်းပြီး ခုန်ပျံကျော်လွှား ပြေးသွားလိုက်တာ ပါးစပ်ကလဲ ဒီလို ပေါက်ကရတွေ အော်ဟစ်သွားသေးသဗျာ ....

“ အောင်မယ်လေး .. ငုတ်တုတ်သရဲကြီးပါဗျ .. ဟောင်းလောင်းသရဲကြီး ခြေထောက်ငုတ်တို သုံးချောင်းတောင်ရှိတဲ့ အေးသောင်သရဲကြီး ဗျ.. ”

“ ကိုဝင်း ..ကိုဝင်း .. စောင့်ပါအုံး .. ဟဲ့ ..အဝင်း ငါ့ ကိုစောင့်အုံး .. သေချင်းဆိုး သေနာကြီး ..အီးးဟီးဟီးးး ဟောင်းလောင်း သရဲ ကြီး ပါတော့….”

နောက်ဆုံးအသံက သီသီစိုး အသံပါ .. အော် သူ့မလဲ ထမိန် ကို ပုခုံးထိ မတင်ပြီး သူ့ ရဲ့ အားကိုးလိုက်စမ်းဘာ ဆိုတဲ့ ချစ်လှစွာသော အဝင်း နောက် ပြေးလိုက်သွားတာ .. ချိုကားကားနဲ့ ဆတ်ဖါးကြီး လူတွေ့ လို့ ကြောက်လန့်ပြီး ကဆုန်ပေါက် ပြေးသွားသလို ဖင်တဖွေးဖွေးတပြောင်ပြောင် နဲ့ ကြည့်လို့ကို မကောင်းဘူး တစ်ကယ် ..

သူတို့ ခုန်ပျံကျော်လွှား မပဋာမြေလူး အက ကို မျက်စေ့တစ်ဆုံးကြည့်ပြီးမှ သစ်ပင်ပေါ်က ကဗျာရွတ်ရင်း ဆက်တော်ခေါ်နေတဲ့ ကဗျာရူး ဖာထမ်းမိုးသော် ကို ကဗျာကယာ ခြေထောက်ဆွဲနိုး .. ဒီကောင် ကလဲ တအင်းအင်း တအဲအဲနဲ့ ထတော်မမူလို့ ပေါ်တာ.. ပေါ်တာ လို့ ပြောမှ အရက်ပုလင်းကို ပိုက်ပြီး ကဆုံပေါက် ပေါက်ကျိုင်း နောက်ကနေ ပြေးလိုက်တော်မူတယ် ..ဒီကောင် ပေါ်တာ ကိုတော့ အကြောက်သား…။

ဒီနယ်မှာက အပမှီလို့ ဒါမှမဟုတ် တောတွေဘာတွေ ခြောက်ရင် သေနတ်တွေနဲ့ ဝိုင်းပြီး ပစ်ခတ် နှင်ထုတ် တတ်ကြလွန်းလို့ နောက်ကျခြေထောက် သစ္စာဖေါက် ဆိုပြီး ခြေကုန်သုတ်လိုက်ရတာဗျာ .. ပေါက်ကျိုင်းတို့ တဲဘုံနန်း ဆီလဲရောက်ရော ဟိုး ရွာဖက် ဆီက သေနတ်သံတွေ တဒုန်းဒုန်း တဒိုင်းဒိုင်းနဲ့ ဆူညံနေလိုက်တာ တော်တော်နဲ့ မစဲတော့ ဘူး..
ဟူး … ကံသီပေလို့ …။

အရင်းစစ်လိုက်တော့ဗျာ .. ဒီလိုဒီလိုဗျ.. ပေါက်ကျိုင်း ရွာက အထွက် ဗိုက်နာလို့ သစ်ပင်ခြောက်ကြီးပေါ် ကုပ်ကပ်တက်ပြီး နောက်ဖေးသွားနေတုန်း အဝင်းနဲ့ သီသီစိုး ဒီကနေ့မှ ဖြစ်ခဲ့တဲ့ ရည်စားအသစ်စက်စက် ပူနွေးနွေး လေး တို့သစ်ပင်ခြောက်လဲကြီးဘေးမှာ လာ ချိန်းတွေ့ ရင်း ပေါက်ကျိုင်းကို သရဲထင်ပြီး ပြေးကြလွှားကြ တာနဲ့ တူပါတယ် … ထင်လဲ ထင်စရာ ကိုး.. ဒီနေရာက ဟိုးအရင် လေးငါးလ တုန်းက အဝင်းရဲ့ ဖေါက်သည်ကြီး အရက်သမား အေးသောင် ဒီနေရာမှာ ဝက်ပက်ပြီး ဆုံးဘူးသေး..ပြီး ပေါက်ကျိုင်းရဲ့ ရုပ်ရည်ရူပကာ ကလဲ နာနာဘာဝ နဲ့ နင်လားငါလား ဆိုတော့ ကာ ထင်လဲ ထင်စရာကိုး..ပြီးတော့ ခြေထောက်ငုတ်တိုသုံးချောင်းသရဲ ဆိုတော့ တချောင်းက ဘယ်ကနေ ဘယ်လို ပေါ်လာတယ် မသိ.. ပေါက်ကျိုင်းကငုတ်တုတ်ကြီးဆိုတော့ သူတို့ မျက်စိမှားပြီးများ.. အဟေး ဟေး..။

နောက်နေ့ရောက်တော့ အဝင်းနဲ့ သီသီစိုး တို့ ချိန်းတွေ့ ကြတာ လူသိရှင်ကြားဖြစ်သွားတာရယ် .. ည က အဝင်း ပေါက်ကျိုင်းကို အလန့်တကြား ကောက်ထုလိုက်တဲ့ ဓါတ်မီး ကို သူ့ဆီပြန်ပေးလိုက် လို့ ငုတ်တုတ်သရဲ က ပေါက်ကျိုင်း ဖြစ်နေတာ သိသွားတာရယ် .. ရွာရှိ လူကုန် တဟီးဟီး တဟားဟားဖြစ်ကုန်လို့ အဲဒီနေ့မှာဘဲ အဝင်းနဲ့ သီသီစိုး တို့ တတွေ .. ကျွန်တော်အဝင်းနှင့်ကျွန်မသီသီစိုး တို့သည် ပေါ့ဗျာ.. အဝင်းအရက်ဆိုင် တဲလေးမှာဘဲ ပေါက်ကျိုင်းတို့လို အမူးသမားတွေ တသိုက် အကြိုက် မင်္ဂလာပွဲလေး လုပ်လိုက်ရပါရောဗျာ.. ပေါက်ကျိုင်းတို့ မလဲ စဉ့်အိုးကြီးထဲ ထဲ့ထားတဲ့ အရက်ကို ခပ်သောက်လိုက် အသင့်ထား ထားတဲ့ တောနွားသားခြောက်ကြော် လေးတစ်ဖတ်ဝါး လိုက် ရင်ပူလာရင် တဲဘေးက ချောင်းလေးထဲ ဒိုက်ဗင်ထိုး ရေစိမ်လိုက် နဲ့ ခွန်နှစ်ရက်ခွန်နှစ်လီ မူးရူးသောင်းကြမ်း နေလိုက်ကြတာ ကံကောင်းလို့ ဦးနှောက်သွေးကြောပြတ်ပြီး မသေတာ…။

စာရင်းချူပ်လိုက်တော့ ..  သီသီစိုးတော့ ဘယ်လိုနေမယ်မသိ .. အဝင်းကတော့ သက်ကယ်တောကြီးထဲမှာ ပုဆိုးကွင်းသိုင်းပြီး ခုန်ပျံကျော်လွှား ပြေးသွားလို့ သူ့ရဲ့ ဖွားဖက်တော်ကြီးက သက်ကယ်ပင်ရှပြီး ယောင်ကား နေလိုက် တာများဗျာ.. နွား ဟိုဒင်း ကို ဓါးနဲ့ မွှန်းပြီး မီးကင်ထားတဲ့ အတိုင်း ရဲပဒေါင်းခတ် လို့ မင်္ဂလာဦးည ကလဲ သူ့အတွက် ဟိုဒင်းဟိုဟာ လဲ မဟိုဒင်း နိုင်ဘဲ တစ်ပတ်ကျော်ကျော် ကားတားကားတား နဲ့ မို့ သူ ညည်းပါတယ်.. ။

“ မောင်မောင်ရာ .. ငါ့မလဲ မနေ့ကမှ ရည်းစားဖြစ်တယ် ည တစ်ခါ ဘဲ ချိန်းချက်  တွေ့လိုက်မိပါတယ်.. လူလဲမိ ဖွားဖက်တော်ကလဲ ဖွဲ့စည်းပုံပျက် .. မင်း တော်တော် ချေးထုပ် ကျ တဲ့ ကောင်ကွာ.. ”

“ ဘာကွ.. ငါ့ဟာငါ အပေါ်မှာ အေးအေးဆေးဆေး ချေးပါနေတာ မင်း တို့ နှာခေါင်းမွှန်ထူပြီး ဘာကိုမှ မမြင်ဘဲနဲ့.. အင်း…. မြင်ရတာတော့ .. မင်းတစ်ခါဘဲ ချိန်းတွေ့ တယ် ပြောသေး .. မင်းမလဲ လက်သွက်ခြေသွက်လိုက်တာလဲ အလွန်.. ဦးအေးမောင် ဗွီဒီယိုရုံ က ညနက် ကားကြည့်လိုက်ရ သလိုဘဲ .. ပြီးတော့ .. အဟိ ..”

“ ဟေ့.. ဟေ့ ကောင် တော်တော့ .. သွား ထပ်မပြောနဲ့တော့ မီးဖိုချောင်ထရံ မှာ ဝက်သားခြောက်မီးဖုတ် ရှိတယ်.. သွားယူ မြည်း ..”

ဒီလိုနဲ့ .. ပေါက်ကျိုင်း တစ်ယောက် ထိုင်းနယ်စပ် က နမ့်တွန်ချောင်း လေးဖက်ဆီကို ထီးထမ်းလမ်းလျှောက်လုပ်ဖို့ ဖြစ်လာလို့ ပေါက်ကျိုင်း အလွန်ချစ်တဲ့ ဒီရွာလေးနဲ့ ချစ်သူငယ်ချင်း တွေကို ခွဲရဖို့ အကြောင်းဖန်လာပြီး ဝေးသွားလိုက်တာ.. အခု အဝင်း တို့ ကိုမထင်မှတ်ဘဲ တွေ့လိုက်ရတော့ အဝင်း ကတော့ တခေါင်းလုံးဖွေးဖွေးဖြူပြီး ငယ်ငယ်ရွယ်ရွယ်နဲ့ တကယ့် အဘိုးကြီး ဖြစ်နေပြီ.. ခါးလဲ ကိုင်းတိုင်းတိုင်းဖြစ်နေပြီ..  ဒါပေမဲ့ အာ ကတော့ အရင်အတိုင်း.. ပါဝါ အပြည့် ..။

“ အအေး ယူခဲ့ လက်ဖက်သုတ် ဟေ့ ..ထမင်းစားပြီးမှ ဟိုဖက်ကမ်း ကူး သွား ကွ ”

နဲ့ ပြာယာပြာယာ နဲ့ ဧည့်ဝတ်ဖြည့်သဗျ .. ဒိတော့ မှ ပေါက်ကျိုင်းတို့မလဲ အအေးလေး သောက်လိုက် လက်ဖက်သုပ်လေး ဆွဲလိုက် နဲ့ ရှေးဟောင်းနှောင်းဖြစ်လေးတွေ ပြောလိုက်နဲ့ လေပေါနေတုန်း .. ဒီကောင် အဝင်း သူ့သားတော်မောင် မျောက်လောင်း လေး ကောင် ကို ခေါ် ရှေ့မှာ ငုတ်တုတ်လေးတွေ ထိုင် ခိုင်းထားတာများ ဗုံတို လေးတွေ တန်းစီ ပြီး စီစီရီရီ ချထားသလို ပါ့ဗျာ..

“ ဒီမှာ သားတို့ရေ ဒီ ဦးဦးကြီး ( ပေါက်ကျိုင်း ) ဟာ အဖေ့ရဲ့ တပည့်ပေါ့ကွာ .. ”

လို့ အစချီပြီး ပေါက်ကျိုင်း အပေါ် သူဘယ်လို အုပ်ချူပ်ခဲ့ပုံ ( အဲဒီရွာ လေးမှာ လဲ ရွာ လူကြီးလဲ ဖြစ်ဘူး သကိုး ..သူက ) ၊ ဘယ်လို နားရင်းအုပ်ခဲ့ရပုံ ၊ ပေါက်ကျိုင်း ဘယ်လောက် ဆိုးပုံ ၊ မင်းတို့အဖေနဲ့ အမေ မင်္ဂလာဆောင် တုန်းက ပေါက်ကျိုင်း မူးရူးသောင်းကျန်းပြီး တဲရှေ့ ကွပ်ပြစ် ပေါ်မှာ ခွန်နှစ်ရက် ခွန်နှစ်လီ ဖင်ပေါ် အောင် ကွေးတတ်ပုံ .. မူးပြီးရစ်တတ်လွန်းလို့ သောက်မြင်ကပ်ပြီး ချောင်းထဲ ကန်ချ ခဲ့ရပုံ ..၊ စသဖြစ်ဗျာ.. မှန်တာနဲနဲ ကို မဟုတ်တာများများ ရောလို့ ပေါက်ကျိုင်း ကို တွယ်ပါလေရော ဗျို့ .. ဒီက တော့ ဘာမှပြန်မပြောပေါင်ဗျာ.. ပေါက်ကျိုင်း ကို ချစ်ခင်လို့ ကျီစယ် ပြောနေတာဘဲ ဖြစ်လို့ .. သူ့ သား လေးကောင် နဲ့ ပေါက်ကျိုင်း .. သူ့ကို ပြုံးဖြဲဖြဲ နဲ့ သာ ကြည့် နေလိုက်ရ သပေါ့ ဗျာ..။

သူ့စကား ဆုံးသွားတဲ့ အခါကျမှပေါက်ကျိုင်း တကောင် အချိန်ရှိတုန်း ဟိုဖက်ကမ်း ကူးရဦးမယ် ပြောလဲပြော  သီသီစိုး လှမ်းခေါ် ထိုင်ခိုင်း … တယောက်အိပ် ရွက်ဖျင်တဲ ကနေ အရက်ပုလင်းပြားလေး အလယ် ၊ အပ် အပ်ချည် အဆုံး.. ပါတဲ့.. ကျောပိုးအိပ်ကြီးကို အသေအခြာ အကျအန ပိုး ပြီး.. ရှေ့ မှာ ရှိတဲ့ တနှစ် တသားကျ ပြီး မွေးအားကောင်းလို့ တရွယ်ထဲ ဆိုက်တူဖြစ်နေတဲ့ သူတို့ရဲ့ သားတော်မောင် မျောက်လောင်း လေးကောင်ကို ပေါက်ကျိုင်း လက်ညိုးတထိုးထိုး ရေတွက်ရင်း ..

“ အဝင်း .. မင်းမှာ ကလေး ဘယ်နှစ်ယောက် လဲကွ ”

“ လေးယောက် ဘဲလေကွာ .. ခုနက မီးဖိုချောင်ထဲ ဝင်သွားတာ က အလတ်ကောင် .. အအေးဖျော် နေတာက အထွေးဆုံးကောင် ခုနက ကျောင်းပြန်လာတဲ့ ကောင်နှစ်ကောင်က နို့ညှာ နဲ့ အကြီး ကောင် ..”

ဒီတော့ မှ ပေါက်ကျိုင်း အိမ်ရှေ့တံခါးဝမှာ ဖိနပ်ကို အသေအချာ စွတ် .. ကျောပိုးအိပ်ကြီး ကို ခါးပတ်ကြိုးပတ် .. ပြီး ...။

“ မသိလို့ မေးလိုက်ဦးမယ်နော် … အဟဲဟဲ .. အဲဒီ လေးယောက်ထဲ မှာ ဘယ်သူက အကြီးဆုံး ကောင် ဟောင်းလောင်းသရဲ လေး လဲကွ .. အဝင်း ရဲ့ ..ဟီဟိ ..”

ပြောပြီးပြီးချင်း ဆိုင်ကယ် ပေါ်ကို အူယားဖားယား တက်ထိုင် ပြီး ရခိုင်ထွန်းလှ ကို ကပြာကယာ ခါးတို့ အမြန်မောင်းခိုင်း လို့ လီဗာ လေးတင်နေတုန်း.. အိမ်ခန်းထဲက အဝင်း ရဲ့ မွန်သံဝဲဝဲကြီးနဲ့ ပြစ်ပြစ်နှစ်နှစ် ဆဲသံကြီး ထွက်လာပါ ရောဗျား..

“ ဟာ .... ဒီကောင်..၊  ငါ ......  မ ....... သား ....... သေချင်းဆိုး ... မောင်မောင် ”



( ကော့သောင်း က ချစ်သူငယ်ချင်းများ သို့ အမှတ်တရ )

Wednesday, May 26, 2010

အဝေးက အပျိုကြီးတစ်ဦး အတွက် လူပျိုကြီး ရဲ့ ကဗျာ ....

     
           “ အပျိုဟိုင်းကြီး ”
             အရှုံးဖက်များတဲ့ ..
                   သုံးဆယ့်ငါး  ဒီအရွယ် ..
                   ငါ့နောက်ကို နင်မလိုက်နဲ့ ..
                   ပါးရိုက် ပြစ်မယ်...
                   စိတ်နာပုံခြယ် ..
                   သိက္ခာဆယ် အတည်ဟောက် ..
                   လိပ်ပြာမလုံ သူ့ရင်ထဲ ..
                   လွဲမှာ စိုးကြောက် ...။


                   ( ရွှေဂုံ သူ အပျိုကြီးသို့ အမှတ်တရ )